GOOD SHOW

最新動向 | 對於長期上夜班工作的人，有什麼好湯水介紹？既簡單易學！！

~焗花旗蔘茶或煲花旗蔘瘦肉湯最方便。
買切片的，唔會太貴。
但最好當然係買質素好一點既啦。
功效：清熱、生津同提神。
如焗茶，最簡單，用滾水沖焗便可。

煲湯方法：
瘦肉先煲一小時，下花旗蔘片，再煲半小時，下一點鹽，完成。

~青紅蘿蔔瘦肉（豬展）湯。
加蜜棗、南北杏同果皮。（加雪耳或菜乾都可以）
慢火煲兩小時。

~清補涼瘦肉（豬展）湯。
去藥材舖買一包「清補涼藥材」，浸洗一下，加兩粒蜜棗、一片果皮，然後同瘦肉（豬展）同煲2小時。

係咁多先啦，再複雜一點，怕你掌握唔倒。

注意：
以上資料，僅供參考，雖然都係性質平和嘅湯水，但都要視乎個別人仕嘅唔同體質。
有疑問，最好請教中醫。